Sunday, October 24जापानबारे सबै कुरा

यि हुन जापानमा अधिक प्रयोग हुने ‘वासेई एइगो’

जापानमा विभिन्न प्रकारका ‘वासेई एइगो’ प्रयोग हुन्छ । वासेई एइगो अर्थात अंग्रेजीका साधारण शब्दलाई जोडेर वा परिवर्तन गरेर जापानी शब्दमा बनाउने प्रकृया । यसमा अंग्रेजी शब्द मात्र नभइ अन्य भाषाका शब्दहरु पनि समावेश गर्न सकिन्छ ।

यो त्यति प्रयोगमा नआउने र कहिलेकाहिँ विदेशीहरुले गलत अर्थ लगाउने पश्चिमी राष्टबाट लिइएकोे विभिन्न काताकाना शब्दहरु गाइराइ गो भन्दा फरक हो ।

तर यी दुवैलाई काताकाना वर्णमा लेखिन्छ र यीनलाई काताकाना अंग्रेजी भन्ने गरिन्छ । आजको लेखमा कार्यालयमा प्राय प्रयोगमा आउने केही वासेई एइगोका बारेमा जानकारी दिने प्रयास गरिएको छ ।

वास्तविक अंग्रेजी शब्दलाई भिन्दै अर्थ लगाएर प्रयोग गरिने वासेई एइगो

एसएनएस

अर्थ : सामजिक सञ्जाल वा सामाजिक नेटवकिं साइट

सामाजिक नेटवर्किंङ साइट बुझाउने छोटो शब्द हो एसएनएस । शुरुमा यो शब्दले फेसबुक वा ट्विटरजस्ता सामाजिक नेटवर्किंङ साइट भन्ने अर्थ लागे पनि जापानमा भने यसको अर्थ अलि फरक छ । जापानमा युट्युब र इन्स्टाग्रामजस्ता भिडियो र तस्वीर हालिने प्लेटफर्मलाई पनि सामाजिक सञ्जाल वा एसएनएस भनिन्छ । यो अन्यत्र विरलै प्रयोग गरिने शब्द भए पनि जापानमा भने यो व्यापक प्रयोग गरिन्छ ।

सोसियल डिस्ट्यान्सिंग

सामाजिक वा भौतीक दूरीको अर्थ लाग्ने यो शब्दले समाजशास्त्रमा मनोबैज्ञानीक दूरी भन्ने अर्थ लाग्थ्यो र यसलाई कुनै व्यक्ति वा समूहको बहिर्गमन बुझाउन प्रयोग गरिन्थ्यो । तर आजभोली जापानमा भने संक्रमण रोक्नका लागि मानिसबीचको भौतीक दूरी कायम गर्ने भन्ने अर्थ बुझाउन यो शब्दको प्रयोग गरिन्छ ।

क्लेमः गुनासो

अंग्रेजीमा यसले दाबी भन्ने अर्थ दिए पनि जापानमा भने असन्तुष्टि वा गुनासो भन्ने अर्थ बुझाउन यस शब्दको प्रयोग गरिन्छ । प्राय गुनोसो गरिरहने व्यक्तिलाई कम्प्लेनर भन्दा पनि क्लेमर भनिन्छ ।

सर्भिस

विशेष वा निःशुल्क सेवा

जापानमा सर्भिस भन्ने शब्दले थुप्रै अर्थ दिन्छ । जापानमा पनि यसको अर्थ अंग्रेजीमा भएजस्तै भए पनि जापानमा व्यावसायिक छूट, उपभोक्तालाई राम्रो व्यवहार र कसैलाई दिइएको परोपकारी सेवालाई पनि सर्भिस भन्ने गरिन्छ ।

अंग्रेजी शब्द जोडेर बनाइएको वासेइ एइगो

आफ्टर सर्भिसः उपभोक्ता सेवा

यसले उत्पादक कम्पनी वा डिलरले उपाभोक्तालाई दिने मर्मत सेवा भन्ने अर्थ लाग्छ ।

बेस अप : तलवको स्तर वृद्धि

यसले व्यक्तिको बढृूवा भन्ने अर्थ दिँदैन । यसले कुनै कम्पनीमा काम गर्ने कर्मचारीहरुको बेस तलव वा तलबको दरमा वृद्धि भन्ने अर्थ दिन्छ ।

वास्तविक अर्थ स्पष्ट नभएको कुराहरुमा प्रयोग गरिने वासेई एइगो

कन्सेण्टः सकेट

यसले विद्युतिय सामाग्री जाृेड्नका लागि भित्तामा बनाइएको पावर प्लग भन्ने अर्थ दिन्छ ।

अंग्रेजी शब्दलाई छोट्याएर बनाइएको वासेई इगो

पासो कोनः पर्शनल कम्प्युटर

पर्शनल कम्प्युटर भन्ने बुझाउन पासोकोन भन्ने छोटो वासेई एइगो प्रयोग गरिन्छ । ल्यापटपलाई भने जापानमा पनि यहि शब्दको प्रयोग गरिन्छ । तर यो हल्का हुने र नोटजस्तै खोल्न र बन्द गर्न सकिने र बोक्न पनि सजिलो हुने भएकाले ल्यापटपलाई प्राय नोतो पासोकोन भनिन्छ ।

मिसः गल्ती

यदि तपाइबाट कुनै गल्ती भयो भने त्यसलाई मिस भनिन्छ । यो मिस्टेकको छोटो रुप हो । कसैले गलत वर्ण टाइप गरेको छ भने त्यसलाई टाइप मिस भनिन्छ र यदि कोही व्यक्तिबाट एकचोटी पनि गल्ति भएको छैन भने त्यसलाई नो मिस भनिन्छ ।

सेकुहाराः यौन शोषण

सेकुहारा सेक्सयुअल हरासमेण्ट भन्ने अंग्रजेजी शब्दबाट लिइएको छोटो रुप हो । पावर हरासमेण्ट (सत्ताको दुरुपयोग) बुझाउन पावा हा।ा भनिन्छ भने नैतीक शोषण (भावनात्मक वा मनोबैज्ञानिक शोषण) लाई मोराहारा भन्ने गरिन्छ ।

अन्य

एप्लिः एप्लिकेशन
एप्पोः एपोयण्टमेण्ट
इन्फ्लेः इन्फ्लेशन

डिफ्लीः डिफ्लेशन
नेग्गोः नेगोशियशन

वासेई एइगो शब्दको बढ्दो प्रयोग

आज विश्वमा वासेई शब्दका थुप्रै उदाहरणहरु हाम्रो दैनिक जीवनमा प्रयोग हुने गरेका छन् । पछिल्लो समय वासेई शब्द भन्दा सहि अंग्रेजीको प्रयोग गर्ने आन्दोलन चलेको भएपनि वासेइ एइगो शब्दको संख्या बढ्दो छ । जापानीहरुले अंग्रेजी शब्द हो वा वासेई इगो भन्ने चेतना बिना नै थुप्रै शब्दको प्रयोग गरिरहेका छन् ।

Leave a Reply

Your email address will not be published. Required fields are marked *