Wednesday, September 22जापानबारे सबै कुरा

कन्भिनियन्स स्टोरमा प्रयोग हुने वाक्यांशहरु

आजको लेखमा जापानको कन्भिनियन्स स्टोर (कन्बिनी) मा सामान किन्न जाँदा जान्नैपर्ने केही वाक्यांशहरुबारे जानकारी दिन गइरहेका छौं । जापानमा नयाँ हुनुहुन्छ वा जापानी भाषा सिक्दै हुनुहुन्छ भने यि वाक्यांशहरु तपाईलाई अवश्यपनि फलदायी हुनेछन् ।

१. いらっしゃいませ。
– इरास्स्याइमासे
(स्वागत छ।)

२. こちらを温めますか?
– कोचिरा वो आतातामेमास्का ?
(यो तातो गर्दा हुन्छ ?)

केही खानेकुरा वा सुप र स्न्याक आइटमका लागि कर्मचारीले खानेकुरा तताउनु पर्छ कि भनेर सोध्न यो वाक्यांशको प्रयोग गर्छन् । जापानी स्टोरहरु सम्पूर्ण सुविधाका लागि हुन् । त्यहाँ भएका उच्च तापमानका माइक्रोवेभमा २० सेकेण्डमै खानेकुरा तताउने व्यवस्था छ ।

३. お弁当温めますか?
– ओबेन्तोउ आतातामेमास्का ?
(बेन्तोउ (प्याक गरेर बेच्न राखिएको खाना) तातो गर्दा हुन्छ ?)

४. お箸रスプーンरストローをお付けしますか。
– ओहासीरसुपु(नरसुतोरो(वो ओचुकेसिमास्का ?
(चपस्टिकरचम्चारजुस पिउने पाइप राख्दिदाँ हुन्छ ?)

कुनै कुनै स्टोरमा तपाइको ब्यागमा प्रयोग गरेर फाल्न मिल्ने खालका भाँडाहरु राख्ने सिष्टम हुन्छ । त्यहि भएर कर्मचारीहरुले तपाइलाई के चाहिन्छ भनेर सोध्छन् ।

५. 袋にお入れしますか?
– फुकुरो नि ओइरेसिमास्का?
(यो प्लास्टिक भित्र राख्दाँ हुन्छ?)

६. 袋をお分けしますか?
– फुकुरो वो ओवाकेसिमास्का ?
(के यो सामानहरुको प्लास्टिक ब्याग छुट्टा–छुट्टै गर्दिनु पर्छ ?)

सामान्यतयाः जापानी स्टोरमा तातो र चीसो सामानहरु छुट्टा छुट्टै झोलामा राखिन्छ । तर पनि एउटा सामानले गर्दा अर्को सामान नबिग्रियोस् भनेर तपाइ आफ्ना सामान छुट्टा छुट्टै झोलामा राख्न चाहनुहुन्छ कि भनेर स्टोरका कर्मचारीले तपाइलाई सोध्छन् ।

७. このままで宜しいですか?
– कोनो मामा दे योरोसिइ देस्का ?
(के तपाईलाई यो सामानको लागि प्लास्टिक ब्याग चाहिदैन ?)

८. シールでよろしいでしょうか?
– सि–रु दे योरोसिइ देस्योउका ?
( टेप मात्रै टास्दिदाँ हुन्छ ?)

९. ポイントカードはお持ちですか?
– पोइन्तो का–दो वा ओमोचिदेस्का ?
( के तपाईसँग पोइन्ट कार्ड छ ?)

तपाइले खरिद गरेका वस्तु स्क्यान गरेपछि कर्मचारीले तपाइसँग पोयण्टकार्ड छ कि भनेर सोध्छन् । सामान्य तरिकाले बुझ्दा यो आफ्नो पसलमा आइरहने इमान्दार ग्राहकलाई पुरस्कृत गर्ने एउटा तरिका पनि हो । यदि तपाइसँग यो कार्ड छैन तर सामान किन्नका लागि सो स्टोरमा नियमित गैरहनुहुन्छ भने त्यो कन्भिनियन्स स्टोरमा प्रयोग हुने प्वाइन्ट कार्ड बनाउनु फाइदाजनक हुन्छ । एउटै स्टोर चेनमा नियमित जाँदा कार्डमा अंक कमाउन सकिन्छ र त्यसलाई अर्को खरिदारीमा प्रयोग गर्न सकिन्छ ।

यो पढ्नुहोस्ः प्वाइन्ट कार्ड के हो ? लिंदा के फाइदा छ ?

११. 年齢確認ボタンを押してください。
– नेनरेइखाकुनिन बोतान वो ओसिते कुदासाइ
(‘उमेर प्रमाणीकरण’को बटन थिच्नुहोस् ।

सूर्तीजन्य र मदिराजन्य पदार्थको खरिद गर्दा यो वाक्यांश सुन्न सकिन्छ । स्क्रिनको मनिटरको प्रयोग गरेर यस्ता सामान खरिद गर्नेको उमेर प्रमाणित गर्न यो वाक्यांशको प्रयोग गरिन्छ ।

१२. お次の方どうぞ!
–ओचुगी नो काता दोउजो
(अर्को पर्खेर बस्नुभएको ग्रहाक महानुभाव, यताँ आउनुहोस् ।)

१३. 少々お待ちください !
– स्योउस्योउ ओमाचीकुदासाइ
(एकैछिन पर्खनु है )

यदि तपाइले तातो स्न्याक, सूर्तीजन्य पदार्थ, खानेकुरा तताउन वा अन्य कुनै पनि काम जसले कर्मचारीले एकछिन रेजिष्टरबाट ध्यान हटउनुपर्ने कामका लागि यो वाक्यांशको प्रयोग हुन्छ ।

१४. お待たせいたしました
– ओमातासे इतासिमासिता
(पर्खनु भएकोमा धन्यवाद ।)

रेजिष्टरमा आइसकेपछि कर्मचारीले तपाइको धैयर्ताको कदरस्वरुप यो वाक्यको प्रयोग गर्छन् ।

१५. レシートは宜しいですか。
– रेसि–तोवा योरोसिइ देस्का?
(के तपाईलाई रसीद चाहिन्छ?)

Leave a Reply

Your email address will not be published. Required fields are marked *