Saturday, August 13जापानबारे सबै कुरा

जापानी साथी बनाउँदा ध्यान दिनु पर्ने कुराहरु

सन् २०१४ को अगष्टमा जापानमा आउँदा आफू बस्न गइरहेको जापानी समूदायमा आफुलाई पूर्ण रुपमा घुलमिल गराउँछु भन्ने अटुट विश्वासका साथमा आएको थिए ।

हुन त मलाई पटक पटक यही भनिएको थियो कि ‘तैले कहिले पनि जापानी मासिहरुलाई आफ्नो साथी बनाउन सक्दैनस्,’, ‘त जापानमा सधैं बाहिरिया नै हुन्छस्,’ आदि आदि । मलाई यो कुरामा विश्वास गर्न सधैं गाह्रो नै भयो । हुन पनि हामीहरु सबै मानव नै त हौं, होइनौं त ? त्यसो भए जापानमा साथी बनाउने कुरा यति धेरै गाह्रो किन हुने होला ?

जापानमा यत्तिका बर्ष बसेपछि जापानबारे मेरो कयौं सोचाइहरु परिवर्तन भइसके । जापानमा साथी बनाउन अन्य देशको भन्दा खासै धेरै फरक थिएन । यो भनिरहँदा मैले आफूलाई भाग्यमानी महसुस गरेको छु ।

जापानमा बसिरहेका हामी कयौं गाईजिन (विदेशीहरु)यस मामिलामा विभाजित छन् । मेरो व्यक्तिगत अनुभवले पनि यही भन्छ कि तपाइ जापानी नभए पनि तपाईले जापानी मानिसलाई साथी बनाउन सक्नु हुन्छ । तर तपाईं कहाँ बस्नु हुन्छ वा कहाँ काम गर्नु हुन्छ यो कुराले तपाईले नयाँ साथी बनाउने कुरालाई प्रभावित बनाउन सक्छ । पक्कै पनि यो कुरा संसारको जुनसुकै ठाँउमा पनि लागू हुन्छ ।

तपाई टोकियो जस्तो व्यस्त शहरमा बस्नु हुन्छ भने शुरुमा साथी बनाउन अलि धेरै गाह्रो हुन सक्छ । तर त्यस्ता ठूला र शहरमा नयाँ मानिस भेट्न र साथी बनाउन क्लब, मिटअप्स जस्ता धेरै तरिकाहरु छन् ।

पश्चिमा वा अन्य संस्कृतिका तुलनामा जापानी संस्कृति अलि ‘रिजर्भ्ड’ छ । यो कुरा तपाईले बुभ्mन जरुरी छ । यसले शुरुमा कुरा अलि अप्ठयारो बनाउन सक्छ । तर तपाईले शुरुमा अलि धेरै प्रयास गर्नु जरुरी छ ।

जापानी काम गर्ने संस्कृति

कार्यालयका सहकर्मीहरुलाई साथी बनाउन खोज्दा सोच्नु पर्ने एउटा महत्वपूर्ण कुरा के हो भने यहाँ काम गर्ने संस्कृति विल्कुल फरक छ । मेरो अनुभवमा अन्य देशका तुलनामा जापानमा मानिसहरु कार्यालयमा कम सामाजिक हुन्छन् । हरेक कुराको समय र ठाउँ हुन्छ । सहकर्मीहरुसँग सामाजिक हुने समय भनेको नोमिखाई अर्थात काम सकिएपछिको ‘ड्रिङ्किङ पार्टी’ हो ।

नोमिखाई भनेको त्यस्तो समय हो जहाँ सबै सहकर्मीहरु मेलेर एक अर्कासँग कुराकानी गर्छन् । कामका बेलामा यस्तो स्वतन्त्र भएर जापानीहरु कुराकानी गर्दैनन् । यसमा एउटा शब्दावली पनि छ ‘नोमिकेशन’ । नोमिकेशन नोमि अर्थात् पिउने र कम्युनिकेशन अर्थात् कु्राकानी मिलेर बनेको शब्द हो ।

नोमिखाई आफ्ना सहकर्मीहरुसँग मिलजुल गर्ने राम्रो तरिका हो । तर नोमिखाईमा भएको कुरा नोमिखाईमै सीमित रहने जस्तै देखिन्छ । जापानमा नोमिखाईमा पिउँदा मानिसको व्यक्तित्वमा व्यापक परिवर्तन आउँछ । रमाइलो पनि हुन्छ । तर भोलिपल्ट कार्यालयमा अघिल्लो रातबारे कुरै हुँदैन । थाहा नपाएझैं गर्छन् ।

तर डर मान्नु पर्दैन । शुरुमा नोमिखाईले साथी बनाउन खासै मद्दत नगरेको जस्तो देखिएपनि यसले विस्तारै नयाँ मित्रताको बाटो भने बनाउँछ ।

अंग्रेजी भाषामा निषेध

जापानमा अंग्रेजी भाषा बोलेर साथी बनाउन निकै कठिन छ । तपाईको मातृ भाषा बाहेक अन्य भाषामा बोल्न जो कोहीलाई पनि शुरुमा गाह्रो हुन्छ । जुनुकै ठाउँमा यही हुन्छ । अंग्रेजी भाषा चुनौतीपूर्ण लाग्ने जापानीहरुका लागि त यो झन गाह्रो हुन्छ । यो किनभने जापानीहरु आफ्नो सांस्कृति उत्कृष्ट भएकोप्रति निकै गर्व गर्दछन् । उनीहरुको अंग्रेजी त्यति राम्रो छैन । यो कुरा अरु कसैले थाहा नपाउन् भन्ने उनीहरुको ध्येय हुन्छ । आफुले बोल्ने कोशिश गर्दा राम्रो आउँदैन कि भनेर उनीहरु बोल्दै बोल्दैनन् ।

यसबाहेक पनि, कयौं जापानीहरुले अंग्रेजी भाषा राम्ररी पढ्न र लेख्न सक्छन् । जुनियर हाइ स्कुल देखि नै अंग्रेजीलाई अनिवार्य विषयका रुपमा पढाइन्छ । तर हालैका वर्षहरुसम्म अंग्रेजी सिकाई पढाई र लेखाईमा मात्रै सीमित थियो, बोलाईमा थिएन । यस्तो खालको सिकाईले गर्दा आफ्नो काम गर्ने समयमा जनसंख्याको ठूलै हिस्सा अंग्रेजी बोल्न हिच्किचाउनु सामान्य नै हो ।

अहिले भने जापानमा अंग्रेजी प्राथमिक तहमै पढाउन थालिएको छ । अहिले बोल्ने सिपमा पनि धेरै जोड दिन थालिएको छ । अहिले प्राथमिक तहमा भएका बालबालिकहरु जवान हुँदासम्म जापानमा अंग्रेजी भाषाको पोख्तता छुट्टै स्तरमा पुग्नेछ । यसले जापानभर दैनिक जीवनमा पार्ने प्रभाव हेर्न अलि समय लाग्नेछ ।

अहिलेका लागि जापानीमा नै केही बोल्ने प्रयास गर्नु होला । यस्तो बानीलाई निकै धेरै मन पराइन्छ ।

यात्रा गर्ने मानिसहरु

हालैका दिन देखिएको एउटा रोचक कुरा के हो भने बारम्बार यात्रा गरिरहने जापानीहरु, चाहे विदेशमा होस् वा स्वदेशमा, उनीहरु विदेशीहरुसँग मित्रता गर्न अग्रसर हुन्छन् । मैले यो कुरा महसुस गरेको छुँ । यात्रा गर्नेहरुले विभिन्न पृष्ठभूमिका अनेक मानिसहरुको सम्पर्कमा आएको र अनुभव गरेकोले पनि यस्तो भएको हुन सक्छ । मलाई लाग्छ कि यसैले गर्दा उनीहरु जापान बाहिरका मानिसहरुसँग मित्रता गर्न अलि बढि खुलेका हुन् कि ।

अनि मेरा केही सहकर्मीहरु जो जापान बाहिर वा जापानभित्रै पनि खासै धेरै घुमघाम नगर्नेहरु पनि मेरो अनुभव सुन्नका लागि मसँग कुराकानी गर्छन् । उनीहरुसँग कुराकानी गर्दा मलाई यस्तो लाग्छ कि उनीहरु पनि आफ्नो भन्दा भिन्न जीवनशैलीबारे जान्न अनि बुभ्mन चाहन्छन् । तर आफैंले यसको अनुभव लिनभने अलि अनिच्छुक हुन्छन् ।

जापानमा साथी बनाउन चाहनु हुन्छ ? यो सबै तपाईमा भर पर्दछ ।

तपाईले जापानमा कसरी साथी बनाउन सक्नु हुन्छ : मेरो सुझाव सरल छः तपाई जस्तो हुनु हुन्छ त्यस्तै रहनु होस् । अनि पहिलो कदम पनि तपाईले नै चाल्नु पर्छ । जापानमा सबै जना तपाईसँग नम्र रहनेछन् । तर तपाई बलियो अर्थपूर्ण सम्बन्ध बनाउन चाहनु हुन्छ भने तपाईले शुरुमा अलि बढी मेहनत गर्नु पर्ने हुन सक्छ ।
कुनै पनि सम्बन्धमा तपाईमा भएका रुचिहरु अरु कसैमा पनि छ कि भन्ने पत्ता लगाउन अलि कठिन नै हुन्छ । जापानमा पनि यसमा खासै फरक छैन । यसका लागि मैले दैनिक रुपमा एउटा उपाय अपनाउने गरेको छुँ, त्यो हो खान्जी पढ्न कतिको गाह्रो छ भन्नेबारे कुराकानी गर्ने । जापानमा सबैजनाले आफ्नो विद्यालयका दिनमा खाञ्जी सिक्न कति दुःख थियो भनेर सम्झन्छन् नै । त्यसैले मैले काञ्जी पढिरहेको छुँ भनेर भन्दा उनीहरुले मेरो दु्ःखलाई आफूले भोगेको दुःखसँग तुलना गर्छन् । अनि विस्तारै कुराकानी अरु विषयमा मोडिन्छ ।

जापानसँग सम्बन्धित प्रश्न सोध्ने कुराकानी शुरु गर्ने अर्को राम्रो उपाय हो । तपाईले यसको प्रश्न थाहा छ भने पनि यसबारे कुराकानी गर्नुहोस् । कुनै बेला समय यस्तो पनि थियो जतिबेला म सहकर्मीहरुलाई ‘……………..लाई जापानीमा के भन्छ ?’ वा ‘……………… मैले सुपरमार्केटमा कहाँ भेट्न सक्छु ?’ भन्ने जस्ता प्रश्नहरु सोध्ने गर्थे ।

यसको सार के हो भने अरु कसैले तपाईसँग वार्ता शुरु गर्ला भन्ने आश नगर्नुहोस् । पहिलो कदम आफैं चाल्नु होस् – यी सबै कुरा तपाईमा भर पर्दछ ।

जापानमा मेरो बसाईका क्रममा मैले चाखलाग्दा कयौं जापानी साथी बनाएको छुँ । यिनीहरु सबैले म आफैले कहिले पनि पत्ता लगाउन नसक्ने कुरा र विचारहरु म सामु ल्याएर मेरो जीवन धनी बनाएका छन् ।

त्यसैले तपाई जापानमा आउँदै हुनुहुन्छ वा पहिले देखि नै यही बसोबास गरिरहनु भएको छ भने एउटा कुरा सम्झनुहोस् त्यो के भने सांस्कृतिक भिन्नतालाई पाखा लगाउनुहोस् यसमा मानवहरुलाई एकअर्काबाट पअलग राख्ने खासै केही कुरा छैन । हामीहरु जो जहाँ बसेको भएपनि हामी सबैका एउटै आवश्यकता, चाहाना र सामाजिक सम्बन्ध छन् ।

त्यसैले खुला हृदय र सकारात्मक भावनाका साथमा बाँच्नुहोस् अनि तपाई जहाँ गएपनि साथी बनाउन सक्नु हुनेछ ।

Leave a Reply

Your email address will not be published. Required fields are marked *