Monday, May 16जापानबारे सबै कुरा

जापानमा कम्पनी खोज्दा ध्यान दिनैपर्ने १० कुरा

जापानमा जागिर परिवर्तन गर्ने प्रकृया, परिवर्तनपछिका कानूनी प्रक्रिया, कम्पनीको छनौट आदि विषयमा यस अघिको लेखमा हामीले धेरै जानकारीहरु लेखिसकेकै छौं । आजको यस लेखमा भने हामी जापानमा सफलताका साथ काम गर्न चाहनु हुन्छ भने तपाईले ध्यान दिनु पर्ने केही कुराहरुबारे बताउन गइरहेका छौं ।

जापानमा काम गर्दा तपाईले बढी ध्यान दिनु पर्ने १० ओटा प्रमुख पक्षहरु यहाँ दिइएको छः

जागिरसम्बन्धी विवरण

यो बुँदा तपाईलाई सामान्य लाग्न सक्छ । तर तपाईले गर्न चाहनु भएको र उनीहरुले तपाईबाट अपेक्षा गरेको चिज फरक हुन सक्छ । कम्पनीले तपाईबाट के कुराको अपेक्षा गरेको छ भन्ने कुरामा तपाईले बढी ध्यान दिनु पर्छ । रोजगारीका सिलसिलामा यस्ता कयौं कामसम्बन्धी विवरण हुनसक्छन् जसमा जुन शीर्षकको काम दिइएको त्यसको तुलनामा निर्वाह गर्नु पर्ने भूमिकाहरु भने नितान्त फरक हुन सक्छन् । अर्थात् गर्नु पर्ने कामको ‘टाइटल’ एउटा तर काम अर्कै ।

त्यसैले अन्तर्वार्ता लिने व्यक्तिसँग मैले के के काम गर्नु पर्छ भनेर सोध्नुहोस् । तिनीहरुले तपाईलाई तपाईको वास्तविक काम के हो भनेर बताएनन् वा बताउन चाहेनन् भने त्यहाँबाट निस्किहाल्नुहोस् । तपाईले सो जागिर स्वीकार गर्नु भयो भने तपाईले अरु नै काम गर्नु पर्नेछ ।

भिसा सपोर्ट

विदेशी भएकै कारणले जापानमा काम गर्नका लागि भिसाको भर चाहिन्छ । जापानका प्राय कम्पनीले तपाईको भिसा छैन भने पनि तपाईलाई काममा आबद्ध हुन सहयोग पु¥याउन सक्छन् मतलब तपाईको भिसाको जिम्मा कम्पनीले लिन्छन् । कम्पनीमा काम सुरु गर्नुअगावै नेपालबाट आफ्नो डिपेन्डेन्ट ल्याउनुपर्ने छ भने सो कुरा पनि सुरुवातमै गर्नु उपयुक्त हुन्छ । सो प्रकृयाका लागि कागजात लगायतका कुरामा कम्पनीको सहयोग आवश्यक पर्ने भएकाले सुरुमा नै जानकारी गराउनु राम्रो हुन्छ ।

धेरै जसो कम्पनीहरुमा एचआर विभाग हुन्छ । यसले तपाईलाई यस प्रक्रियामा मद्दत गर्नेछ । एचआर विभागले तपाईलाई मद्दत गर्न सकेन भने पनि उनीहरुले तपाईलाई मद्दत गर्न सक्ने मानिस खोजिदिन सक्छन् । उनीहरुले यसो गर्न सक्छन् कि सक्दैन भनेर जागिर सुरु गर्नुभन्दा पहिलेनै सल्लाह गर्नुपर्ने हुन्छ । नत्र भने तपाई काजगपत्र मिलाउने झन्झटमा फस्नु हुनेछ । यसले समयको ठूलो नोक्सान हुन्छ ।

विकास परिप्रेक्ष्य

हामी यस्तो संसारमा बसिरहेका छौं जहाँ धेरै भन्दा धेरै रोजगारी स्वचालित भइरहेको छ । जापानले हातबाट गर्न सकिने कयौं कामहरु यथावत् राख्ने प्रयास गरिरहेको भएपनि तपाई जस्तो पायो त्यस्तै काममा टाँसिरहन अनि कुनै दिन प्रोगामले आफुलाई विस्थापित गरेको हेर्न पक्कै पनि चाहनु हुन्न ।

तपाईले कम्पनीमा कस्तो खालको भ्यालु ल्याउनु हुन्छ ? यसले भविष्यमा तपाईलाई कहाँ डोर्याउन सक्छ ? यसपछि तपाईले कस्तो खालको जागिर पाउनु हुन्छ ?

तपाईले पछि जापान छोड्न चाहनु भयो भने तपाईले सोही काम अन्यत्र गर्न सक्नु हुनछ कि हुँदैन ? जापानमा तपाईले काम गरेर लिनु भएको अनुभव नेपाल फर्केपछि वा अन्य देशमा पनि मूल्यवान छ कि छैन ?

तपाईले जापानमा काम गर्न शुरु गर्नु भन्दा अगाडि तपाईले आफैंलाई सोध्नु पर्ने यी केही प्रश्नहरु हुन् ।

सहकर्मीहरु

साथमै काम गर्न गइरहनु भएको मानिसहरुलाई भेट्न भन्नु होस् । उनीहरुले कसरी काम गर्छन् ? तपाईसँग कसरी व्यवहार गर्छन् हेर्नुहोस् । उनीहरुले मानेनन् भने यसबारे वार्ता गरेरै सहमति गर्न सकिन्छ भनेर उनीहरुलाई बताउनुहोस् । उनीहरुले विदेशीहरुसँग कमा गर्ने गरेका थिए कि थिएनन् सुनिश्चित गर्नुहोस् । तपाईले तालमा ताल मिलाएर काम गर्न त सहकर्मीहरुको मद्दत त चाहिन्छ नै ।

भाषा

सञ्चारको कुरा गर्दा तपाई उनीहरुसँग कुराकानी गर्न र उनीहरु पनि तपाईसँग कुराकानी गर्न सक्षम हुनु पर्छ । उनीहरुले प्रायः कुन भाषा प्रयोग गर्छन् ? जापानी ? कि अंग्रेजी ? तपाई सो भाषामा बोल्न सहज हुनु हुन्छ कि छैन ?

उनीहरुले जापानी भाषा मात्रै बोल्छन् भने तपाईको जापानी भाषा सिकाई तीव्र बनाउन भाषा कक्षा वा परिचय कक्षा उपलब्ध गराउन पनि सक्छन् कि ? कम्पनीमा करियर शुरु गर्न तपाईले शुरु गर्न मद्दत गर्न उनीहरुले के मद्दत गर्छन् ? तपाईलाई सूचना चाहियो भने तपाईले कुरा गर्न सक्ने अरु मानिसहरु छन् कि ? केही कम्पनीहरुले आफुलाई अन्तरराष्ट्रिय भन्ने देखाउन खोज्छन् । ती कम्पनीहरुमा चिनियाँ र कोरियाली सदस्यहरु पनि हुने भएकोले उनीहरुले प्रायः यस्तो भन्ने गरेका हुन् ।

कम्पनीमा काम सुरु गर्नुअघि माथि भनिएजस्तै संचारको भाषा के कस्तो हुन्छ निक्यौंल गर्नु राम्रो हुन्छ ।

कम्पनीको आर्थिक पृष्ठभूमि

आफपुले काम गर्न गइरहेका कम्पनीको वित्तीय अवस्था सोध्नुहोस् वा स्टेटमेन्ट पनि माग्न सक्नुु हुनेछ । यसबाट तपाईले कम्पनी बलियो छ कि छैन भन्ने थाहा पाउन सक्नु हुनेछ । त्यो नयाँ कम्पनी हो भने पनि रकम जुटाउन उनीहरुको के के योजना छ भन्ने सोध्नुहोस् । उनीहरुसँग कुनै योजना छैन र लगानीकर्ताहरु खोज्ने योजनामा छन् भने काम गर्ने कष्ट नगर्नुहोला । तलब सुविधा नै दिन नसक्ने कम्पनीमा काम गर्नुको के अर्थ ? अनि भिसा सपोर्टका लागि पनि कम्पनीको आर्थिक अवस्था बलियो चाहिन्छ ।

प्याकेज

यहाँ प्याकेज भन्नुको अर्थ तपाइले काम गरेबापत कम्पनीले तपाईलाई उपलब्ध गराउने सबै भत्ता सुबिधा हो । कम्पनीले तपाईलाई दिन सक्ने सुविधाहरमा निम्नानुसार कुराहरु समावेश हुन सक्छन्ः

– काम गर्ने समय (घन्टा)

– तलब

– बोनश

– छुट्टि

– बिरामी बिदा

– अपार्टमेन्ट

– खाना/खाजा

– अन्य

यो प्याकेज तपाईलाई सुहाउँदो छ कि छैन निश्चित गर्नुहोस् । बिदाको मामिलामा भने तपाईलाई ठूलो झट्का लाग्न सक्छ । किनकि केही जापानी कम्पनीहरुले त राष्ट्रिय बिदा बाहेक वर्षमा १० दिनको छुट्टी मात्रै दिन्छन् । बिरामी बिदा पनि दिँदैनन् । वर्षमा कति दिन तलबी बिदा लिन पाइन्छ अनि बिरामी बिदा पाइन्छ कि पाइदैंन पहिला नै स्पष्ट गर्नुहोस् ।

कम्पनीको संस्कृति

जापानमा कम्पनीको संस्कृतिबारे सोचविचार गर्नु पनि साँच्चै महत्वपूर्ण चिज हो । तपाईले कस्तो खालको कम्पनीको लागि काम गर्न गइरहनु भएको छ ? कतै यो ‘खराब कम्पनी त होइन ? जापानमा कर्मचारीहरुको धेरै शोषण गर्ने, धेरै लामो समयसम्म काममा लगाउने कम्पनीलाई कालो कम्पनी भनिन्छ ? यस्ता कम्पनीहरुले तपाईलाई कामको बोझले थिच्नेछन् । त्यो कम्पनीका कर्मचारीहरुले आत्महत्या गरिरहेका छन् कि ? तपाईले दिनु भएको सुझावप्रति उनीहरुको रवैया कस्तो छ ? तपाईले त्यहाँ केही कुरा सुधार्न वा परिवर्तन गर्ने कोशिश गर्नु भयो भने उनीहरुले आफ्नो काम गर्ने शैली फेर्छन त ?

तपाई यस्ता कम्पनीमा अड्किनु भयो भने नियमित समय भन्दा बढी समय काममा लाग्नु पर्छ भन्ने तपाईले पहिला नै तयार हुनु होला । त्यस्ता कम्पनीमा काम गर्ने तपाईले निर्णय गर्नु भयो भने भविष्यमा तपाई पक्कै पनि पछुताउनु हुनेछ । तपाईले पछुतो मान्नुभयो भने पनि तिनीहरुले तपाईलाई कामबाट निकाल्दैनन् । तपाईको जब टाइटल मात्रै फेरिदिनेछन् । तपाईलाई राजिनामा दिन दबाब दिने अरु काम पनि दिँदैनन् । त्यसैले यस्तो गल्ति गर्नबाट बच्नुहोस् । आफुले काम गर्न गइरहेको कम्पनीको समीक्षा ग्लासडोर लगायत वेबसाइटमा चेक गर्न नभुल्नुहोला ।

सो वेवसाइटमा कालो सूचिमा परेको कम्पनीको सूचि दिइएको छ । कामको खोजिमा भएको बेलामा यी कम्पनीमा काम गर्नबाट बच्च यस सूचिले तपाईलाई मद्दत गर्नेछ ।

कार्यालय आउने जाने समय

तपाई आपूmले काम गर्ने ठाउँभन्दा निकै टाढा बस्नु हुन्छ भने तपाईले धेरै समय कार्यालय आउन र जानका लागि रेलमा बिताउनु हुन्छ । यसले तपाईमा व्यक्तिगत र पेशागत हिसाबले पनि नकारात्मक असर पार्दछ । टोकियोमा बसिरहेका मानिसहरुको लागि औंसत आवतजावतको लागि दैनिक करीब ३० वा ४५ मिनेट लाग्छ ।

यो त अति भयो भनेर तपाईले सोच्नु होला । तर टोकियो जस्ता ठूला शहरमा यो त सामान्य हो । तर, तपाई जति सक्नु हुन्छ त्यति यो रकम कम गर्न सक्नु हुन्छ । रेल सेवा निकै राम्रो छ भने पनि हरेक दिन लामो समयसम्म मानिसको भिडैभिड भएको रेलमा कोचिन कसैले पनि चाहँदैन ।

तपाई यहाँ बस्नकै लागि आउनु भएको हो त ?

तपाई जापानमा लामो समयसम्म बस्नकै लागि आउनु भएको हो । एक पटक आफ्नो मनलाई यो प्रश्न सोध्नुहोस्ः के म यो कम्पनीमा लामो समयसम्म बस्छु ?

जापानी कम्पनीहरुले बारम्बार जागिर फेरिरहने मानिसलाई साँच्चै महत्व दिँदैनन् । त्यस्ता मानिसलाई त्यहाँ कुनै योगदान नै नदिइकन पैसाको खोजीमा कम्पनी कम्पनीमा चहारेर हिड्ने मौंरी जस्तै ठान्छन् । त्यस्ता मानिसको सराहना गर्दैनन् ।

जापानमा काम गर्न चाहनु हुन्छ भने म यही सल्लाह दिन्छु कि तपाई कुनैपनि कम्पनीमा कम्तिमा पनि २ वर्ष बस्नु हुन्छ भने मात्र रोजगारीमा संलग्न हुनु होला यसले तपाईको नेटवर्क बनाउने छ, त्यहाँ काम गरेको अनुभव मिल्नेछ अनि भविष्यको ढोका पनि खोल्नेछ ।

आजको लागि यत्ति नै । जापानमा कुनै कम्पनीमा जागिर खानु भन्दा पहिला माथि भनिएका बुँदाबारे सोच्नुहोला । कम्पनीमा छिरेर भिसा लिनु मात्र ठूलो कुरा नभई सोही काम वा कम्पनीमार्फत आफ्नो भविश्य कसरी उज्जवल पार्न सकिन्छ भन्नेतर्फ सोच्नुहोला ।

Leave a Reply

Your email address will not be published. Required fields are marked *