Monday, May 16जापानबारे सबै कुरा

माइ नम्बर कार्डः कार्ड एक फाइदा अनेक

तपाई जापानमा बसोबास गर्नु हुन्छ ? तपाईको साथमा माइ नम्बर कार्ड छ ? माइन नम्बर कार्ड लियो भने बढी कर तिर्नु पर्छ, भिसा आवेदन दिने बेलामा गाह्रो हुन्छ भन्ने गलत बुझाईका कारण कार्ड नबनाउने चलन देखिएको छ ।

तर यो कार्डका अनेक फाइदा छन् । यही एउटा कार्डबाट तपाईले धेरै काम गर्न सक्नु हुन्छ । माइ नम्बर कार्डलाई बीमा कार्ड, चालक अनुमति पत्र जस्ता महत्वपूर्ण कागजपत्रहरुमा समावेश गर्ने व्यवस्था गत वर्षबाट शुरु भइसकेको छ । एउटै कार्ड बोकेपछि अन्य कार्ड बोक्नु पर्ने झन्झट पनि हटेको छ ।

चालक अनुमति पत्रलाई पनि माइ नम्बरमा दर्ता गरेर त्यसैले चालक अनुमति पत्रको काम गर्ने प्रक्रिया पनि अगाडि बढेको छ ।

यो कार्ड छ भने आवास तथा परिवार दर्ता प्रमाण पत्र जस्ता आधिकारिक कागजपत्रहरु तपाई आफैंले कन्भेनियन्स स्टोरबाट प्रिन्ट गराउन सक्नु हुनेछ । अझै महत्वपूर्ण कुरा विदेशीहरुले कोभिड विरुद्ध खोप लगाएको प्रमाण पत्र लिन र भिसा नवीकरण पनि अनलाइनबाटै गराउन सक्ने सुविधा छ । माइ नम्बर कार्ड छ भने जापान बसाइ सहज र सजिलो हुुनेछ । बनाइहाल्ने होइन त माइ नम्बर कार्ड ।

Leave a Reply

Your email address will not be published. Required fields are marked *