Saturday, August 13जापानबारे सबै कुरा

जापानीहरु किन राम्ररी अंग्रेजी बोल्न सक्दैनन् ?

जापानमा प्राथमिक तहदेखि नै अंग्रेजी भाषा पढाइन्छ । विश्वविद्यालयमा पनि अंग्रेजी भाषा शिक्षा छ । तर पनि जापानमा कयौंलाई अंग्रेजी बोल्न सकस हुन्छ । जापानीहरुले अंग्रेजी भाषा राम्ररी नजान्नुको कारण के होला त ?

१. परीक्षा उत्तिर्णमा केन्द्रीत पठन पाठन

अंग्रेजी भाषाका कुरा आउँदा जापानी विद्यालयहरु पठन र लेखनमा मात्रै केन्द्रीत छन् । यी सिप पनि परीक्षा उत्तिर्ण गर्नमा मात्रै सीमित छ । बोलाई र सुनाई जस्ता व्यवहारिक सिपमा थोरै समय मात्रै दिइन्छ । यसलाई अझ स्पष्ट भाषामा भन्ने हो भने जापानी शिक्षा प्रणालीले व्यवहारिक जीवनमा अंग्रेजीको सही उपयोग गर्ने तरिका सिकाउन सकेको छैन । जसले गर्दा विद्यार्थीहरुले अंग्रेजीमा लामो निबन्ध त लेख्न जान्छन् । तर अन्त्यमा यसले उनीहरुको अंग्रेजी सम्बन्धि सिपमा भने कुनै योगदान दिँदैन । पढाई कुनै परिच्छेद पढेर सोसम्बन्धी उत्तर दिनमा सीमित हुन्छ । धेरैजसो अवस्थामा शिक्षक कक्षा कोठामा अगाडि उभिएर विद्यार्थीलाई नोट लेखाउँछन् । यस्तो खालको पुरानो पठनपाठन अभ्यास अंग्रेजी सिक्न सुहाउँदो छैन । त्यसैले यहाँ अंग्रेजीमा निपुण नै नभएपनि सामान्य अंग्रेजी परीक्षा उत्तिर्ण गरेर अंग्रेजी शिक्षक बनेकाहरु पनि छन् । विद्यार्थीहरुमा व्याकरणका संरचना र शब्दभन्डारको ज्ञान छ । तर उनीहरुले गल्ती गरेर यसबाट सिक्ने अवसर भने कहिले पाउँदैनन् ।

२. अंग्रेजी शिक्षा प्रणालीमा अंग्रेजी सिकाईको लागि आवश्यक सिप नहुनु

जापानमा अंग्रेजी शिक्षा समस्या भनेको आफूले जानेको कुरा व्यवहारमा प्रयोग गर्न पर्याप्त समय नहुनु हो । आफूले जानेको कुरालाई ठयाक्कै कसरी प्रयोग गर्ने भन्ने कुरा थाहा नभएपछि विद्यार्थीहरु परिक्षामा राम्रो अंक ल्याउन वा पास हुनमा बढी समय खर्च गर्छन् । अंग्रेजी भाषाका फिल्महरु हेर्ने बाहेक मातृ भाषा अंग्रेजी भएकाहरुसँग बोल्ने वा कुराकानी बहस गर्ने वा अंग्रेजीमा तयारी विरलै देख्न पाइन्छ । जापानीहरुले कुराकानी अभ्यास खासै गर्न पाउँदैनन्, लेखाईमा मात्रै अन्तरक्रिया सीमित छ । नयाँ भाषा बोल्न शब्दावली वा जानकारी मात्रै पाएर हुँदैन सिप पनि चाहिन्छ । यसबारे सबै थाहा भएपनि आफैंले अभ्यास नगर्दासम्म बोल्न आउँदैन । सिप सुधार्न असम्भव छ । कुराकानी गर्दा हामीले सोच्ने कुरा बोल्ने हो । बोलीचालीमा अभ्यास नै हुँदैन वा निकै कम हुन्छ भने दिमागमा शब्द र वाक्यांशहरु मात्र थुपारेर राख्नेको कुनै अर्थ छैन ।

३. सामुहिक मानसिकतामा जोेड

हामीले गल्ती गरेर त्यसबाट नयाँ कुरा सिक्न सक्छौं । यो जापानमा नौलो अवधारणा होइन । जापानमा नयाँ भाषा सिक्न गाह्रो हुनुको कारण कक्षा कोठा वा विद्यार्थी आफैंले गर्दा होइन । यसको जरा यहाँको शिक्षा प्रणालीमा गाडिएर बसेको विशेषतामा छ ।

जापानमा विद्यार्थीहरुलाई समूहको हिस्साको रुपमा सिकाइन्छ । समूहसँगै अगाडि बढ्नु पर्छ भनेर पढाइन्छ । यस्तो सिकाइ प्रणालीले गर्दा समूहभन्दा फरक व्यवहार गर्न डर पैदा हुन्छ । सबै मानिस आफैंमा फरक छन् । तर जापानमा भने सानो उमेरदेखि नै समुह केन्द्रीत भएर सिकाइन्छ । अरुले जे गर्छन् त्यही नै सही हो भनेर पढाइन्छ । शिक्षा प्रणालीले धेरै बालबालिकामा यो सोच विकास गरेको छ । फलतः उनीहरुले आफूभन्दा ठूलाले जे गरे त्यही मात्रै गर्छन् । त्यसैले कक्षा कोठामा विद्यार्थीहरु बोल्दैनन् । गल्ती गरेर सिक्नु भन्दा उनीहरुले गल्ती गरेपछि उत्पन्न हुने लाजको भावना सकेसम्म टार्न जवाफ नै दिँदैनन् । न त आफूलाई चुनौती दिने कोशिश नै गर्छन् । जापानीहरुको स्वभाव लजालु हुन्छ । धेरैलाई कोठामा अगाडि बोल्न अप्ठयारो लाग्छ । यस्तो खालको शैक्षिक वातावरणमा खुलेर वा सक्रिय भएर अंग्रेजी बोल्न उनीहरुले निकै कम अवसर पाउँछन् ।

४. जापानी समाजमा अंग्रेजी खासै आवश्यक नहुनु

कान्तो क्षेत्र र कान्साई क्षेत्रमा विदेशी बासिन्दा र पयर्टकको संख्या अलि धेरै छ । तर अन्य क्षेत्रमा मानिससामु अंग्रेजी भाषीहरुसँग बोल्ने अवसर निकै कम छ । त्यसैले अंग्रेजीलाई दैनिक जीवनमा आवश्यक ठान्ने निकै कम छन् ।

पछिल्लो समय जापानले पश्चिमी भाषा र संस्कृति विकास भइरहेको छ । पछिल्लो समय सडक, स्टेशन, विज्ञापन, कपडाका डिजाइन आदिमा पनि अंग्रेजी संकेतहरु देखिन थालेको छ । यी संकेतहरु हेर्दा जापानीहरुको लागि ठिकठाक भएपनि मातृ भाषा अंग्रेजी भएकाहरुलाई यस्ता गल्ती थाहा पाइहाल्छन् । के लेखेको छ भनेर वास्ता नगरी डिजाइन मन परेर लुगा किन्नेहरु पनि छन् । तपाई जापानमा घुम्न आएको बेलामा सडकमा मानिसहरुले लगाएको लुगाहरु हेर्नुहोला । सबैतिर अनौठो अंग्रेजी देख्न सक्नु हुनेछ । पछिल्लो समय जापानमा गैर जापानीहरुको संख्या बढेको छ । तर यो अझै पनि अधिकांश मानिसहरुले जापानी सिक्नु पर्छ भनेर सिकाईको औचित्य देखाउन सकिने गरी उच्च छैन ।

५. काताकाना शब्दका कारण अंग्रेजी सिकाईमा अवरोध

जापानको संस्कृति एनिमे, मांगा, भिडियो गेम, इलेक्ट्रोनिक्स र अटोमोबाइल आदिमा झल्किन्छ । विगतका वर्षहरुमा यी सबैमा व्यापक परिवर्तन भएको छ । खानेकुरा देखि आईटी संस्कृतिसम्म सबै कुरा विदेशबाट आएको छ । यी सबै जापानी संस्कृतिमा घुलमिल पनि भएका छन् । विदेशी संस्कृतिबाट लिइएका भएपनि जापानीहरुले यसलाई आफ्नो मौलिक सृजना बनाएका छन् । अमलेट ओमुराइस बनेको छ । ट्याको ट्याको राइस भएको छ । तर अंग्रेजी सिकाइमा यही प्रवृत्ति बाधा बनेको छ । अंग्रेजी भाषाका शब्दहरुलाई पनि काताकानामा लेखिन्छ । यसले गर्दा समस्या भएको छ । सब्सक्रिप्शन साबुसुकु बनेको छ ।

पहिलादेखि नै जापानीमा भएको शब्दहरु पनि कयौं छन् । अंग्रेजी शब्द अपनाइएको छ अनि काताकानमा परिणत पनि गरिएको छ । यसका कारण पनि जापानीहरुको अंग्रेजी सिकाई क्षमता प्रभावित भइरहेको छ । लञ्च (जापानीमा ताचियागे)लाई दैनिक बोलीचालिको काताकानामा रान्ची भनिन्छ । यसको अर्थ बुझ्न तोचियागे नै पर्याप्त छ । तर रान्ची पाती (लञ्च पार्टी) भनेर पनि प्रयोग भएको पाइएको छ । जापानीहरु यस्ता खालका काताकाना शब्दबारे राम्ररी परिचित छन् । तर यसको उपर्युक्त उच्चारण के हो भनेर छुट्याउन भने उनीहरुलाई गाह्रो भएको पाइन्छ ।

६. अंग्रेजीमा प्रयोगमै नआउने जापाङ्ग्रेजी शब्दको भन्डार

वासेई इइगो अर्थात् जापानीमा बनेका अंग्रेजी शब्दहरु जापानीहरुको अंग्रेजी नसुध्रिनुको अर्को कारण हो । यी शब्दको अंग्रेजीमा कुनै अस्तित्व छैन । तर जापानीहरुले भने अत्यधिक प्रयोग गर्छन् । बेष्ट फिचरको लागि चार्म प्वाइन्ट, फिजिकल कन्ट्याक्टको लागि स्किनशिप र वेक अप कलका लागि मर्निङ कल प्रयोग गर्नु यसका केही उदाहरण हुन् । शुरुमा सिक्नका लागि कठिन नहुने शब्द बनाउने प्रवृत्तिका कारण जापानीहरुको अंग्रेजी सिकाई झनै कठिन भएको छ ।

इमेज (तस्विर/चित्र ) परिवर्तनको छोटकरी शब्द इमेचान वासेई ईईगोको अर्को उदाहरण हो । जापानीहरुले यस्तो शब्दहरु अंग्रेजीमा पनि सोही अर्थमा प्रयोग हुन्छ भन्ने सोचेर चलाउँछन् । इन्टरनेट, मिडिया र दैनिक बोलीचालीमा पनि यस्ता शब्द व्यापक प्रयोग हुन्छन् । तर वास्तवमा यो अंग्रेजी सिक्नेहरुका लागि अवरोध बनेको छ ।

निस्कर्ष

जापानीहरुले अंग्रेजी भाषा बोल्न नसक्नुको मूल कारण यही ६ ओटा हो । तर जापानी समाजले यी कारण बुझेर शिक्षा प्रणालीमा खासै धेरै परवर्तन गर्न सकेको छैन । धेरैले अंग्रेजी सिक्न त चाहन्छन् तर कसरी गर्ने भन्ने चाँहि थाहा छैन । तर अहिले शुद्ध अंग्रेजी बोल्नु झनै जरुरी बनेको छ । तपाई पनि जापान घुमफिरमा आएको बेलामा जापानीहरुले अंग्रेजी बोल्दैनन् भन्ने नठान्नुहोस् । शुद्ध र साधारण बाक्य बोल्ने कोशिश गर्नुहोस् । यसले उनीहरुमा अंग्रेजी क्षमता निर्माणमा मद्दत मिल्नेछ ।

Leave a Reply

Your email address will not be published. Required fields are marked *