Saturday, August 13जापानबारे सबै कुरा

जापानमा कपाल झर्ने समस्या र यसको समाधान

जापानमा पढाई, काम या ब्यापार, जुनसुकै क्षेत्रमा कार्यरत रहेका भएपनि धेरै नेपालीहरुले गर्ने गरेको एउटा गुनासो कपाल झर्यो भन्ने हुन्छ । पुरुष भन्दा अझ बढि महिलाहरुमा कपाल झर्नु आम समस्या हो । जीवनशैली, तनाव र मानसिक समस्याका कारण पनि कपाल झर्छ । आजको लेखमा जापान आएपश्चात कपाल झर्ने समस्या कसरी उत्पन्न हुन्छ र कसरी कम गर्न सकिन्छ भन्नेवारेमा केही आधारभूत जानकारीहरु लेख्ने प्रयासमा छौं ।

१.तनाव

काम, पढाई लगायतका क्रियाकलापहरुका कारण हुने मानशिक थकान र आवश्यकताभन्दा बढि हुने तनावले गर्दा पनि कपाल झर्छ । जापान आएका सुरुवाती समयमा घरपरिवारको याद, नयाँ परिवेश, कामको प्रेसर, पढाईको प्रेसर आदि कुराहरुमा सकेसम्म कम तनाव लिनु फलदायी हुन्छ । निरन्तर जापानमै बसिरहेकाहरुको हकमा पनि आवश्यकता भन्दा बढि लिइने तनाव र नियमित खानपानमा ब्यालेन्स नमिल्दा पनि यो समस्या आउने चिकित्सकहरु बताउँदछन् ।

२. जलवायु परिवर्तन

Four seasons of year. Set of vertical nature banners with winter, spring, summer and autumn scenes

जापानमा वर्षको कुन समयमा आउनुभएको हो त्यसमा हुने मौसमी परिवर्तले पनि कपाल झर्ने समस्या दिन्छ । जापानको गर्मी मौसम अत्यधिक तातो र ह्युमिड रहेका हुन्छ, त्यसैले सबैभन्दा पहिला कपाल झर्न शुरु हुन्छ । यसले कपालमा चायाँ पर्ने समस्या पनि बल्झाउँछ ।

३. खानपान

Japanese food of grilled fish and miso soup

जापान आउनेवित्तिकै खानपिनमा निकै परिवर्तन हुन्छ । जापानी परिकारहरु निकै स्वादिष्ट हुने भएपनि यहाँका धेरै खानेकुरामा प्रोटिनको भने कमी हुन्छ । साथै ताजा तरकारी र फलफुलहरु पनि धेरै महंगो हुने भएकाले यीनीहरुलाई सबैले खाँदैनन् । जसले गर्दा कपालमा चाहिने पोषणतत्वमा कमी आउँछ र कपाल झर्न शुरु गर्छ । कपालको स्वास्थ्यका लागि भिटामिन सी र इ, जिंक, बी भिटामिन र ओमेगा ३ फ्याटि एसिडको आवश्यकता पर्छ । मांसाहारीहरुले यी सबै कुरा मासु तथा माछाजन्य उत्पादनबाट प्राप्त गर्न सक्छन् । आफूले लिइरहेको खानेकुरामा प्रोटिनको कमी छैन भन्ने सुनिश्चित गर्न चिकित्सकको सल्लाह पनि लिनुपर्छ ।

४. पानी

जापानमा सफा पानी त पाइन्छ तर अधिकांश ठाउँमा भने पानीलाई प्रदुषित हुनबाट बचाउन क्लोरिनको प्रयोग गरिन्छ । त्यसैले यस्ता पानीको प्रयोगले कपाल झर्ने समस्या बढाउँछ । साथै नेपालमा कपाल तातो पानीले नुहाउने चलन त्यतिधेरै छैन, जापानमा नुहाउँदा प्रयोग गरिने तातोपानीले पनि कपाल झर्ने समस्यालाई बढाउन सक्छ । तर नियमित नुहाउँदा भने कपाल झर्न र चायाँ पर्नबाट जोगिन सकिन्छ ।

समाधान

१ .सावर फिल्टर

सबैभन्दा पहिले त सावर फिल्टर खरिद गर्ने सुझाव दिन सकिन्छ । यसले पानीमा हुने सम्पूर्ण खराब तत्वलाई छानेर स्वच्छ पानी प्रदान गर्छ । कपाल झर्ने समस्याका लागि यो सबैभन्दा सजिलो उपाय हो । यो फिल्टर बिक क्यामरा वा अनलाइन स्टोरहरुमा पनि पाइन्छ ।

२. कपालसम्बन्धी उत्पादन

यदि तपाइको कपाल जापानीहरुको जस्तो छैन जापानी उत्पादनहरु विशेषगरी स्याम्पु र कण्डिशनर प्रयोग नगरेकै राम्रो । जापानी उत्पादन विदेशी कपालका लायिग निकै कडा हुन्छ र यसले कपाललाई सुख्खा बनाउन सक्छ । त्यसैले आफ्नो राष्ट्रबाटै यस्ता उत्पादन ल्याउने वा वेवसाइटहरु बाट यी सामानको अर्डर गर्न सकिन्छ । केही समय पहिले हामीले तयार पारेको यो जानकारी पढ्नुभयो भने विदेशी कपालका लागि उपयुक्त केही सामाग्रीहरुको लिष्ट पाउन सक्नुहुन्छ ।

३.नरम सिरानी

नरम सिरानीको प्रयोग गरेर पनि सिरानीामा कपाल झर्ने समस्याबाट राहत पाउन सकिन्छ । यस्ता तकिया तपाइको छालाका लागि पनि राम्रो हुन्छ । यीनीहरु केही महङ्गो त हुन्छन् तर यी निकै उपयोगी हुन्छन् ।

४.खानेकुरामा ध्यान दिने

कपालको स्वास्थ्यमा खानेकुराले निकै प्रभाव पार्छ । आफ्नो खानेकुरामा ठूला परिवर्तन गर्नुअघि एकपटक चिकित्सकसँग सल्लाह लिन आवश्यक छ । माछा, एभोकाडो, अण्डा जस्ता ओमेगा र प्रोटिनले भरीपूर्ण खानेकुरा खानुपर्छ । त्यस्तै हरियो सागसब्जी, बायोटिन जस्ता कुरालाई पनि खानामा समावेश गर्नुपर्छ । फलफुलको नियमित सेवन पनि राम्रो हुन्छ ।

५. तनाव नलिने

धेरै तनाव र चिन्ता लिइराख्दा पनि कपाल झर्ने भएकाले सकेसम्म दिमागलाई तनाव र चिन्तामुक्त बनाउनु पर्छ । चिन्ताले सबैभन्दा पहिला कपाललाई असर पु¥याउने हुँदा चिन्तामुक्त जीवन बाँच्नु पर्छ । यसका लागि ध्यान, योग, व्यायाम गर्ने र सकारात्मक सोच राख्ने गर्नुपर्छ ।

६.चिकित्सकको सल्लाह लिने

जापानमा लामो समय बसिरहँदा र माथि भनिएअनुसारका परिवर्तनहरु गर्दा पनि कपाल झर्ने समस्या नियमित आइरह्यो भने कपाल झर्नु कुनै गम्भीर संकेत पनि हुन सक्छ । त्यसैले कपाल झर्न रोकिएको छैन र स्थिती निकै गम्भीर हुन थाल्यो भने चिकित्सकको सल्लाह लिन जानुपर्छ ।

Leave a Reply

Your email address will not be published. Required fields are marked *