जानकारी

पढाई सकेर कम्पनीमा कामदारका रुपमा छिरेका हुन् या नयाँ कलेज तथा युनिभर्सिटीमा पढाई सुरु गरेका विद्यार्थी हुन् यो समयमा धेरै साथीहरु एक स्थानबाट अर्को स्थानमा सर्नुपर्ने हुन्छ । अन्य भिसामा रहनुभएका साथीहरुलाई पनि विभिन्न कारणले बसिरहेको ठाउँ छाडेर अर्को ठाउँमा नयाँ कोठा लिनुपर्ने हुन्छ । जापानमा केही लामो समय बसिरहनुभएको हो भने तपाईले यि कुरा भोगेकै हुनुपर्छ तरपनि नयाँ ठाउँमा कोठा भाडामा लिंदा लाग्ने पूरा खर्च के–के कुरामा लाग्ने हो, मासिक भाडासंगै अन्य चार्जहरु लाग्ने हुन् कि होइनन्प, सुरुमा तिर्नुपर्ने रकम कति हो, कन्ट्रयाक्ट रिन्यु गर्दा लाग्ने खर्च के–के हो र लिन लागेको कोठामा बस्दा पालना गर्नुपर्ने नियमहरु के–के हुन भन्ने बारेमा राम्रोसंग बुझेर मात्र कोठा लिनुभयो भने पछि समस्या हुँदैन । जापानमा एक ठाउँबाट अर्को ठाउँमा कोठा सर्दा ध्यान दिनुपर्ने कुराहरुका बारेमा भने हामीले पहिलेनै यो...

जसरी हामी राशिमा विश्वास गर्दछौं, त्यसैगरि जापानी नागरिकहरु पनि रगत कुन समूह मा पर्छ सोही अनुसारको वानी ब्यहोरा हुन्छ भन्ने कुराको निकै विश्वास राख्दछन । जापानी नागरिकहरु रगत समूह अनुसारनै व्यक्तिको स्वभाव, चालचलन, ब्यतित्व र आनिबानीको आँकलन गर्दछन् जापानी बच्चाबच्चीहरु त झन् साथीभाइवीच आफ्नो रगत समूह मिल्दोजुल्दो छ छैन निकै चासो दिन्छन । विशेष गरि यहाँका महिलाहरु यो कुरालाई लिएर अझै संबेदनशील हुन्छन । रक्त समूहको इतिहास सन् १९०० मा अस्ट्रियन बैज्ञानिक कार्ल लण्डस्टेइनरले पहिलो पटक मानिसक रगतको समूह फरक फरक हुन्छ भन्ने कुराको पत्ता लगाए । संसारमा यस विषयमा आजपनि धेरै अनुसन्धानहरु भैरहन्छन् । उनको अनुसन्धानले रगत समूह भएकाहरु संसारका विभिन्न ठाउँमा बाँडिएका छन् जस्तै एशियाको हकमा हेर्ने हो भने यहाँका मानिसहरुमा रगत समूह 'बी' बढि पाइन्छ । जातिय आधारमा प्रोफेसर ताकेजी फुरुकावाले ताइवा...

बसन्तको आगमन संगै जापानमा धेरै ठाउँमा साकुरा फुल्न सुरु हुँदैछ।यिनै साकुरा फुलेको हेर्न लाखौ जापानीहरुमात्र नभई विभिन्न  देशबाट मानिसहरु जापान आउँदछन् । जापानमै रहेका नेपालीहरुमाझ पनि साकुरा हेर्ने पर्व 'हानामी'को छुट्टै महत्व छ । साकुराको सिजन भएकै कारणले यो समयमा विभिन्न ठाउँमा घुमफिर गर्न चाहानेहरुको सवारी साधन खान–बस्नको खर्च भने बढ्छ किन भने तपाइले भनेको बेला टिकटहरु पाउन महँगो र मुस्किल हुन्छ। यो पोष्टमा हामी तपाईलाई साकुरा हेर्नका लागि घुमघाम गर्दा हुने खर्च कसरी कम गर्ने वा कसरी सस्तो मूल्यका टिकटहरु लिई यात्रा गर्न सकिन्छ भन्ने बारेमा जानकारी दिंदैछौं । लामो रुटको बस रोज्नुहोस यदि तपार्इ आफ्नै साधनमा यात्रा गरिरहनु हुन्छ भने लामो दुरीको बस यात्रा आरामदायी नलाग्न सक्छ। तर जापानमा बसको यात्रा गर्दा व्यक्तिगत गाडिमा हिडेभन्दा पनि आनन्दको यात्रा गर्न पाइने कुरामा दुइमत नहोला ।जापानम...

कुनै पनि मुलुकका मानिस जापानमा बस्न चाहन्छन भने उसले त्यहाँ आवासीय अनुमति अर्थात भिसा प्राप्त गरेको हुनुपर्दछ । जापानले सबै गरेर यता २७ प्रकारका भिसाहरु विदेशी नागरिकलाई दिन्छ । तपाईले ति २७ मध्ये कुनै एक अनुमति पाउनुभएको छ भने मात्र अरु आवासीय भिसाको लागि सक्षम मानिन्छ । तसैले यदि तपाई काम गर्न चाहनुहुन्छ भने आफ्नो रेसिडेन्स स्टेटस(बसोवास अवस्था) जस्तै स्टुडेण्टबाट इञ्जिनिएर, मानविकी बिज्ञान र अन्तराष्ट्रिय सेवा जुन काम गर्न लाग्नुभएको छ तेही काम अनुसार आफ्नो बसोबास अवस्था परिवर्तन गर्नुपर्छ जसलाई सामान्य भाषामा विद्यार्थीबाट वर्किङ भिसा चेन्ज गर्ने भनिन्छ । भिसा स्टेटस (अवस्था) परिबर्तन गर्दा अपनाउनु पर्ने इमिग्रेशन प्रक्रियाहरु नियम अनुसार यदि तपाई आफ्नो अवस्था स्टुडेन्टबाट अरु कुनै पेशामा परिबर्तन गर्न चाहनुहुन्छ भने रिजनल इमिग्रेशन ब्यूरो (क्षेत्रिय अध्यागमन केन्द्र) वा त्यसको शाखाम...

जापानका धेरै जस्ता मुख्य सहरहरु सुबिधायुक्त छन् । यहाँ बस्ने बासिन्दा र यात्रुहरुलाई सरकारले यातायातको राम्रो प्रबन्ध मिलाएको छ । जालो जसरी फैलिएको रेल संजालले जापानमा यातायात सहज बनाइदिएको छ तरपनि तर जापानमा अझै पनि यस्ता ठाउँहरु छन् जहाँ रेलयात्राको सहजता छैन । त्यस्ता ठाउँहरुमा बस र कार धेरैको यातायातका साधन हुन् । साथमा सवारी चालक अनुमति पत्र (ड्राइभिङ लाइसेन्स) छ तर आफैसंग गाडि छैन भने यो जानकारी तपाईकै लागि हो । आज हामी तपाईलाई जापानमा कसरी सजिलोसंग गाडि भाडामा लिई प्रयोग गर्न सकिन्छ भन्ने कुराको जानकारी दिंदैछौं । विदाको समयमा अलि टाढा घुम्न जानुपरेको खण्डमा यसरी नै गाडि भाडामा लिएर जान सक्नुहुन्छ । सहि ठाउँको छनौंट जापानमा भाडामा गाडी लगाउनेहरु प्रसस्त छन्, त्यसैले सहि सेवाप्रदायक छनोट गर्नु सक्नु उचित कदम मानिन्छ । जापानमा टोयोटा, होन्डा, माज्दा जस्ता ठुला कम्पनीहरु आफै गाडी ...

केही समय अघि हामीले जापानमा जन्मेको बच्चाको जन्मदर्ता गर्ने, भिषा एप्लाई गर्ने र पासपोर्ट कसरी बनाउने भन्ने वारेमा जानकारी लेखेका थियौं । सो लेख पढ्नका लागि यो लिंकमा क्लिक गर्न सक्नुहुन्छ । धेरै जनाको राम्रो प्रतिकृया पाएपछि यो पोष्ट तयार पारिएको हो । यो लेखमा हामी जापानमा बच्चा जन्माउनुपूर्वको तयारी र जन्मेपश्चात गर्नुपर्ने कार्यहरुको विषयमा थप जानकारीहरु दिंदैछौं । सुत्केरी हुनुपूर्वका तयारीहरूः जापानमा रहनुहुन्छ र सन्तान जन्माउने याेजनामा हुनुहुन्छ अथवा जन्माउँदै हुनुहुन्छ भने केही कुराहरु तपाइँले अनिवार्य थाहा पाउनुपर्ने हुन्छ । जापानमा सन्तान जन्माउनकाे लागि अस्पतालकाे प्रशुती गृहमा जानुपर्ने हुन्छ । गर्भधान रहेकाे शुरुकाे अवस्थामा नै अस्पतालमा गएर तपाइँले नाम दर्ता गर्नुहाेस् । अाफूलाई पायक पर्ने अस्पतालकाे बारेमा तपाइँ बस्नुभएकाे वडा कार्यालयबाट सूचना प्राप्त गर्न सक्नुहुनेछ । त्...

जापानमा बैधानिक रुपमा बस्ने अनुमती पाएका विदेशी नागरिकहरुले अनुमति अवधि समाप्त हुने बेलामा आफ्नो भिसा थप्न वा नवीकरण गर्न सक्ने प्रावधान छ, छोटो अर्थमा यसैलाई नै जापानको भिसा एक्सटेन्सन वा बसाइँ अवधी नवीकरण भनेर बुझिन्छ । भिसा अवधि थप गर्नका लागि भिसा समाप्त हुनुभन्दा पहिले नै आवेदन दिइसक्नुपर्छ । सामान्यतया हालको भिषा अवधी सकिन ३ महिना अघि देखि आफु नजिकको अध्यागमन ब्युरोमा गएर बसाइँ अवधी थप गरिदिनका लागि आवेदन गर्न सकिन्छ । हाल तपाइँको भिषा एक बर्षको छ भने तपाइँले ३ वा ५ बर्षको भिषा प्राप्तिका लागि निवेदन गर्न सक्नुहुछ तर मागिएअनुसारको अवधीको भिसा दिने नदिने भन्ने निर्णय अध्यागमनले नै लिन्छ । भिसा अवधी धेरै वा थोरै दिनुका कारणहरु धेरै छन् । हामी आगामी दिनमा ति विषयमा पनि लेख्नेछौं । यदि तपाईंले हालको भिसा अवधिमा आफ्नो काम परिवर्तन गर्नुभएमा, तपाईंले सोहि भिसामा जापानमा बस्न मिल्छ वा...

जापानमा श्रीमान श्रीमती दुवैजना विद्यार्थी भिसामा बस्नुहुन्छ र कलेज तथा भोकेशनल स्कुल अध्ययन गरिरहनुभएको छ भने दुई मध्ये एकजनाले डिपेन्डेन्ट भिसा परिवर्तन गर्न सक्नुहुनेछ । दुवैजना विद्यार्थी भिसामा रहेर एकजनाको भिसा डिपेन्डेण्टमा परिवर्तन गर्न पहिलेका दिनहरुमा जस्तो सजिलो भने अहिले छैन । त्यसाे त केही विद्यार्थीहरू नेपालमा विवाह गरेर वालवच्चा भैसकेकाे पनि जापान आउने बेलामा नेपालका कन्सल्टेन्सीहरूले विवाह भैसकेकाे भनेकाे खण्डमा भिसा लाग्दैन भनेर अविवाहित नै लेखिदिएकाे केशहरू निकै छन् । विवाह गर्दैमा जापानकाे भिसा लाग्ने नलाग्ने भन्ने हुँदैन । तपाइँकाे अवस्था जे छ त्यही लेख्नुहाेस् । कागज बोल्ने देश जापानमा भनेजस्तो डकुमेन्टहरु तपाइँले तयारी गर्न सक्नुभयो भने भिसा प्राप्त गर्न पनि सक्नुहुनेछ । तर त्यसको लागि तपाइँले केही कुराको तयारी र त्यस विषयमा सजग भने हुनैपर्छ । (क) दुवैजना विद्यार्थ...

तपाई जापानमा हुनुहुन्छ र नेपालबाट आफ्नो बाबाआमा, छोराछोरी अथवा आफन्तलाई जापान घुम्न बोलाउन चाहनुहुन्छ ? जिन्दगीमा जापान आएर काम गर्नुभएको छ भने आफूले काम गरेको ठाउँ आफ्नो जन्मदिने बाबाआमालाई देखाउन घुमाउन कुन छोराछोरीलाई मन नहोला र ? आफूले काम गरेको र सबैले ओहो भनेको विकास र प्रविधिले चरमचुली चुमेको देश जापानमा आफ्नो छोराछोरीलाई घुमाउन देखाउन कसलाई मन नहुँदो हो र ? तर मनमा भएर मात्रै पनि भएन । जापान सरकारले भिसा दिनेनदिने आफ्नो ठाउँमा छ तर त्यसको लागि तपाइँको तर्फबाट तपाइँले केही प्रक्रिया भने अवश्य पुरा गर्नुपर्ने हुन्छ । जापान बोलाउनको लागि तपाइँले आफ्नो तर्फबाट गर्नुपर्ने तयारी पहिलो नम्बरमा जापान बोलान चाहेको आफन्तको पासपोर्टमा लेखिए अनुसारको नाम अनुसार केही फारम भर्नुपर्ने हुन्छ । जस्तैः इन्भिटेशन लेटर जसमा तपाइँले जापान बोलाउन चाहनुभएको व्यक्तिको नाम, ठेगाना र पेशा अनि तपाइँसँगको ...

शिर्षक मात्रै पढेपछि तपाइलाई लाग्न सक्छ 'हावा त फ्रि मा नपाइने देशमा बसेर के हुने नहुने लेखेको होला, टोकियो घुम्ने रे, त्यो पनि फ्रि मा' । तर शिर्षक सत्य हो । आज हामी तपाईलाई टोकियोको मनमोहक दृष्य, त्यो पनि अग्ला अग्ला भवनहरुबाट कसरी हेर्न सकिन्छ भन्ने वारेमा जानकारी दिदैंछौं । टोकियो टावर, स्काई ट्रि जस्ता सिटी अब्जर्वेसन डेकहरुमा जाँदा केही रकम तिर्नुपर्ने हुन्छ तर यहाँ दिइएका पाँच वटा भवनहरुबाट टोकियो वरिपरि आँखा डुलाउन भने कुनै शुल्क लाग्दैन । त्यो ठाउँसम्म जाँदा लाग्ने ट्रेनभाडा भने लाग्छ है । ;) ५. बुन्क्यो सिभिक सेन्टर (२५ औं तल्ला) टोकियो शहरको ३३० डिग्री भ्यू हेर्नका लागि कोराकुयन स्टेशन नजिकै रहेको बुन्क्यो सिभिक सेन्टरको २५ औं तल्ला उपयुक्त हुन्छ । आकास सफा भएको दिन यो स्थानबाट माउन्ट फुजी समेत देखिन्छ । यो स्थान राति आठ बजेनै बन्द हुने भएपनि टोकियोको रात्री दृष्य हेर्न पनि उप...

जापानमा रहँदा विभिन्न कामका लागि फोटो तथा डकुमेन्टहरु प्रिन्ट गरिरहनुपर्ने हुनसक्छ । फोटो खिच्नका लागि धेरैले 'फोटो बुथ'को प्रयोग गर्नेगरेको भए पनि प्राविधिक सहजताले गर्दा मोवाइलमै फोटो तयार पारेर वा कम्प्युटरमा फोटो बनाएर कन्भिनियन्स स्टोरहरुमा लगेर प्रिन्ट गर्न पनि सकिन्छ । त्यसका साथसाथै विभिन्न कामका लागि भर्नुपर्ने फारमहरु पनि कन्भिनियन्स स्टोरहरुबाट प्रिन्ट निकाल्न सकिन्छ । तपाइ कम्प्युटरको प्रयोग गर्नुहुन्छ भने तयार भएको फोटो वा डकुमेन्टहरु पेनड्राइभ, सीडी अथवा मेमोरी कार्डमा लगेर पनि प्रिन्ट निकाल्न सक्नुहुन्छ तर आज यो पोष्टमा भने हामी मोवाइलमा भएको फोटो वा पिडिएफ फाइल कसरी प्रिन्ट गर्ने भन्ने बारेमा जानकारी दिदैछौं । यहाँ दिन लागिएको जानकारी अनुसार तपाई, सर्कल के, सनकुस, सेभ अन, सेइकोमार्ट, फ्यामिलीमार्ट र लसन जस्ता कन्भिन्यिन्स स्टोरहरुमा रहेको प्रिन्टरबाट प्रिन्ट गर्न सक्नुहु...

जापानमा आइसकेपछि धेरै जना होस्टल, सेयर हाउस अथवा आफ्नै नाममा कोठा लिएर बस्ने गर्नुहुन्छ । विद्यार्थीहरुको हकमा नयाँ कलेज भर्ना भएपछि तथा अन्यको हकमा काम परिवर्तन भएपश्चात वा अन्य कारणले बसिरहेको कोठा छाडेर नयाँ कोठा सर्नुपर्ने हुनसक्छ । जापानमा कोठामा बस्दा हुनसक्ने आगलागी बाट जोगिन के गर्ने भन्ने विषयमा हामीले लेखिसकेको जानकारी यो लिंकमा गएर पढ्न सक्नुहुन्छ । आज भने जापानमा कोठा सर्दा ध्यान दिनुपर्ने कुराहरुका वारेमा चर्चा गर्दैछौं । बसिरहेको कोठा छोड्नु अघि ✓ कोठा छोड्ने निर्णय लिई सक्नु भएको हो भने कृपया हाल कायम रहेको घरभाडा सम्झौता सावधानीपूर्वक पढ्नुहोस्, सम्झौता रद्द गर्नको लागि भिविन्न शर्तहरु हुन्छन् । जसमा कोठा छाड्नका लागि पूर्व जानकारी, छाड्दा लाग्नसक्ने खर्च, सरसफाई खर्च, वीचैमा सम्झौता रद्द गर्दा लाग्ने चार्ज आदि वारे लेखिएको हुन्छ । ति सर्तहरु राम्रोसँग बुझ्नुहोस् अनि बल्ल...

जापानमा हुनुहुन्छ भने पक्कै पनि भनिरहनु नपर्ला, जापान भूकम्पिय हिसावले जोखिम देशहरुमध्यमा पर्दछ । ५ देखि ७ म्याग्निच्युडका भूकम्पहरुत जापानमा अनगिन्ति आएका छन् । ३० बर्षभित्र टोकियोमा ठूलो भुकम्प जानसक्ने सम्भावना ७० प्रतिशत रहेको जापान सरकारकै आधिकारिक निकायले बताउँदै आएको छ । यहाँ बनेका संरचनाहरु भूकम्पिय जोखिम न्यूनिकरण हुनेगरिनै बनाइएका छन् त्यसो भन्दैमा ढुक्क भएर बस्नसक्ने अवस्था भने पक्कै छैन । भूकम्पपश्चात के गर्ने, कहाँ जाने लगायतका विषयमा पूर्व तयारी गर्नु अत्यावशेक छ । जापानमा आउनसक्ने भूकम्प, ततपश्चातको सुनामी र अन्य विपत्हरुको समयमा कसरी आफु र आफ्नो परिवारलाई सुरक्षित राख्ने, भुकम्पबाट जोगिन गर्नुपर्ने पूर्व तयारीका बारेमा केही महिना अगाडि हामीले प्रकाशन गरेको जानकारी यो लिंकमा गएर पढ्न सक्नुहुन्छ । यो पोष्टमा भने भूकम्प आएलगत्तै गर्न नहुने ६ कामहरुका बारेमा जानकारी दिंदैछौं...